今日有個 support call 係要求我地幫用家個播放程式加返一個新o既 project, 等佢可以睇倒個新 project o既片. 就咁, 呢個播放程式係自家程式員寫o既, 咁佢今日冇返工, 我地就打算睇下整唔整倒啦. 首先, 我地就先找找有冇設定檔, 當然冇咁好彩一搵就中, 係冇o既. 跟住, 我地諗個播放程式可能有得 set user preference, 不過搵左好耐都冇呢個選項. 之後我地估佢可能係睇d 環境變數來決定開邊個 project, 但試過轉唔同o既 project 名都係冇用. 我地就開始諗, 會唔會係對機名呢? 因為我地知道唔同組別係會睇倒唔同o既 project. 咁我就轉左我部機個名再試下, 可惜又唔係.
點好呢, 剩返兩個可能性最大o既, 一係就對 uid, 一係就對 gid, 但係無論邊一個, 我地都覺得好奇怪, 因為我地用 strace 追過, 知道個程式冇讀其他檔案, 更加冇問資料庫拿資料, 但係就有問過 ldap. 最後, 用一個其他組o既賬戶登入, 就真係讀到其他 project喎. 之後証實左個程式係檢查 gid 來決定顯示邊個 project, 而且條 project list 同 group list 都係 hardcode 左o係程式裡面. 真係估佢唔倒呀. 咁即係話每次加新 project 都要 recompile, 都好煩o差.
我地可以點幫個用家? 最簡單就係轉左個用家o既 default group, 咁佢就可以用住先, 之後等個程式員返來先慢慢改啦.
沒有留言:
張貼留言