關於轉工

朋友b 最近想轉工, 原因是如果這一兩年唔走, 恐怕沒機會走, 因為年紀已經唔細. 另外, 現在的工作, 要升職便要排隊. 希望找大公司, 有老婆有屋企真係唔可以轉去一些有返工冇放工做死人的細公司. 同埋佢覺得自己性格唔係咁適合做maintenace, 好怕悶.

年紀唔輕, 想做大公司我明, 始終比較穩定, 不犯大錯的話都應該可以做到退休. 但係說到悶, 我相信無論找到一份多有趣的工作, 也難保會有悶的一天, 尤其寫程式呢類工, 大抵上都是千篇一律的. 有既定模式, 有固定框架, 有一定程序. 其實, 如果可以偶然在工作上尋到一點樂子, 那已經很不錯了. 至於轉工, 最主要是看有甚麼目的, 是想轉做管理工作? 還是只要轉換環境? 我不認為現在的我們轉工還會是要追求甚麼新技術(世上根本沒有這樣的東西). 科技當然日新月異, 但那和轉工一點關係都沒有. 我不知道接下來的工作會不會是另一個層次, 我只覺得我們的知識好像變得越來越普通, 學得越多卻懂得越少. 有時我真的很懷疑, 我們又憑甚麼來要求一份更好的工作呢? 不過不要緊, 我一直都這樣說, 只要它請我, 我便做得來. 至於選不選我, 是它的責任. 老實說, 如果真係覺得很悶, 不用想太多, 轉吧. 免得鬥志消磨. 不過, 轉時轉, 最低限度也要能維持你的生活(命)啊!

對 Linux 的幻想

之前同朋友講開, 發覺很多人對 Linux 有一些不太真實的幻想.

1) Linux 令舍爽 D (即係快d)
其實, 真係好睇你行乜野程式, 同埋你點 tune 套系統, 針冇兩頭利, 想一樣野快d, 往往會有另一樣野慢返.

2) As a desktop environment, I think no one try to use Linux (except Linux 死硬派), 唔係呀, 玩linux desktop ?? 玩佢地最弱的一環 ...Linux 玩 desktop, Windows 玩 server, 最後都係比電腦玩。
就我使用上的經驗, 我唔覺得 linux desktop 會特別弱, 不過要搵 support 就真係幾難, 唔好以為乜都可以 google 搞掂. 個人感覺, o係聲音方便真係比較難搞, 試過整來整去都係會out sync. 其實linux o既應用程式都已經好齊, 一般應用一定冇問題. 不過, 要改變慣性始終唔容易.

3) Liunx == 唔駛錢
hm, 大部份o既版本都係唔駛錢, 但係如果講到應用程式, 其實好多都要錢, 有d 仲係好鬼貴.

4) Linux 好安全, Linux 冇virus / 冇人hack(crack)
呢個真係好多人o既誤解, liunx 不等於安全, 做少D 安全措施放上 internet, 半日唔駛就比人 hack 入離喇. 至於 virus, 係會少d, 但係唔等於無, 搞破壞o既, 做木馬o既, 樣樣有, 只係少d 人用, 咪少d 人寫毒, 少d 人中毒囉.

如果用linux 玩下, 咁又冇乜所謂, 當這是你工作的大部份時, 那種無奈, 有時真是沒活說.
我也會寫driver, 改kernel, 改 application, 但係, 人力有時而窮, 不會甚麼都寫得來的.... lack of support 始終是 lack of support, 希望遲些會好點啦. (ok, 我知道我渣, 嗚嗚)
當然, 如果公司有好大team developemnt, 咁應該會好D...不過, 如果Vendor唔support, 樣樣都 re-engineering 咩...
我也不是windows支持者, 要鬧的話鬧 windows 一定更凶...hahaha
講真, opensource 係有其好處, 想改 system 野真係可以改, 想加 function 又真係可以加.
我只是想說, 太多人對Linux 有太大幻想, 但實際用起來, 也還是會有很多無奈.