話說同事芬姐好硬頸, 就算明明係佢錯, 佢點都唔肯認. 到真係知道錯左, 就會側側膞唔多覺, 扮冇事發生過. 最近有單野就係咁, 芬姐有日見報紙寫住[悼]念某某, 佢就跟住讀, 點知就讀左[掉]念. 起初大家都唔維意, 就當佢係一時口快講錯啦. 點知佢不斷係咁重覆, 又話唔知點解會有咁多人[掉]念某某, 唔知阿某某有乜咁值得[掉]咁喎. 終於有同事頂唔順, 就同芬姐講, 係[悼]念呀, 唔係[掉]佢呀. 但係芬姐唔信佢, 仲話由細到大都係咁讀, 佢自己一定唔會錯. 其他同事睇唔過眼, 就幫口話真係讀[悼]架, 兩個字唔同邊, 係唔同架. 芬姐見眾口一辭, 於是發老脾, 話唔同大家講喇, 仲話大家夾埋屈佢, 然後就咁走開左.
其實, 讀錯字係好平常o既事, 何必死口唔認呢? 就算自己真係由細到大都錯左, 咁咪仲好, 終於可以糾正返, 又何必動氣呢? 不過, 芬姐雖然唔信人, 但總算有求真精神, 亦肯對自己o既迷信有所懷疑, 因為我聽見佢上網查呢兩個字, 冇錯係聽見呀, 因為佢開埋喇叭聽下個讀音. 証實自己錯之後, 咪當冇事發生過咁囉. 之後仲要走過隔離組, 問下有冇人唔識讀, 真係冇佢咁好氣呀!
2 則留言:
咁。。。我都唔識讀個[悼]字囉。
雲 :
我查這裡
http://arts.cuhk.edu.hk/Lexis/Canton/
[悼] dou6 - 同音字 : 道, 導, 幬, 燾, 翿
我覺得, 其實唔識讀或者讀錯字一d 都唔奇, 有很多字, 小學時我也是學錯讀音的, 最緊要係知道錯後改返正. 同埋有人指出錯誤時唔好發脾氣, 因為人地肯同你講, 係對你好呀.
張貼留言