唔係我想轉呀, 我個人真係好怕煩, 我絕對唔會為左相差十幾二十蚊去轉台囉. 剩係要搞過晒d 賬單, 同埋轉 sim 咭我已經覺得超煩呀. 但係有d 野呢, 真係無佢辦法. 我用開新世界, 但係佢就比 one2three 買左, 其實邊個買邊個呢d 野就真係唔關我事, 點知佢地今日打比我話一定要轉台去 one2three. 咁對我來講就冇乜所謂o既, 邊個台我都係打電話同聽電話o者, 唔會周圍都收唔倒咪 ok 囉. 唉! 但係講完一輪個 plan 點轉點轉, 佢先同我講話會寄張 sim 咭比我. o下? 乜要轉咭架咩? 乜 one2three 買野買成咁架, 唔係直接轉過去就得架咩? 呢d 野唔係應該 user transparence 架咩? 唔好蝦我唔識野喎. 好明顯係班友唔肯做 data conversion 啦. 再問清楚d 細節, 我用開信用卡比錢係咪會自動過戶呢, 點知佢同我講要o係收到新 sim 咭後再親身去門市做先得喎.
真係有冇搞錯, 咁同我自己轉台去第間有乜分別? 仲話要親自去門市, 真係諗起都煩爆呀. 究竟佢係點樣買架? 唔通剩係買用戶戶口資料? 但係我又冇法子喎, 就算轉去第個台, 都係要做返晒呢d 野. 根本就係明洽我地呢d 小用戶. 唉!
沒有留言:
張貼留言