有時同事做o既野真係好奇怪, 完全係估唔倒架. 所以有問題發生, 差不多次次都要追查一輪先知究竟係乜野事. 最近有個 call 就話外國分公司個播放器播某幾個檔案時死. 起初同事以為果幾個檔案在傳送時出問題, 以至不能播放. 咁就叫我地幫手睇睇, 我地對過兩邊o既檔案係完全一樣架喎. 大家唔信邪, 將果幾個檔案傳送返過來再看看, 又冇事喎. 真係好奇怪, 我地唯有試下遠端控制外國個播放器試下, 發現個程式真係會死喎. 究竟點解呢? 睇返d 印左出console o既警告, 我地先發現原來個播放器讀左另一個檔案, 而且果個檔案係用一種未支援o既codec, 所以個程式先會死.
問題係, 點解呢邊冇事, 但係外國有事呢? 翻查之下, 發現外國 server 同一個目錄下面多左幾個未被支援o既檔案, 原來, 早幾日同事傳送檔案o既時候唔知為乜唔跟足原本條路徑, 冇開到專屬o既目錄比呢批新型檔案, 結果就搞成咁喇.
有時真係好難明, 人地都比足成條路徑, 點解同事會唔跟, 然後就咁傳d 檔案去第個目錄裡面o既呢? 有時做support o既野, 真係講 common sense 同執生, 唔教得咁多架喎.
沒有留言:
張貼留言