好奇怪, 呢兩日有d 心緒不寧, 好似周身唔自在咁. 點講呢? 即係, 好似行唔安坐唔落咁, 成身好似比蟻咬咁好唔舒服, 又會成日皺晒眉頭, 好勞嘈, 好想發脾氣. 又變得好冇耐性, 好似個 internet 慢d 已經覺得好煩, 隔離d 人講野, 又會覺得好頭痛. 聽到人地講野無厘頭, 又會好想鬧人喎. 見到d 人行為古怪, 又會變得好煩燥. 究竟搞乜呢?
但係, 呢排冇乜特別事發生呀, 工作呀, 生活呀都幾好, 冇話有咩野壓力. 又唔係話有乜野唔開心喎. 又唔覺有d 乜野想做但係做唔倒, 又唔係話有d 乜野想要但係又得唔倒. 點解會咁架? 死啦, 我咁樣算唔算係無病呻吟呀? 但係我又真係好唔自在喎. 真係好鬼煩. 都唔知自己想點.
希望快d 好返啦, 如果唔係忍唔住搵人離鬧就真係唔知點算喇. 要心平氣和d , 要控制住自己. 來, 大力d 吸淡氣, 冇事o既!
唔知呢d 係咪叫鬧情緒呢? 雖然唔係成日發生, 但係印象中都試過好幾次. 究竟係單純o既情緒起伏, 定係呢個係一個警號, 而我又疏忽左一d 野呢? 點都好啦, 睇多一兩日先算啦. 笑返多d 應該就 ok 架喇!
唔知想講乜, 不過亂寫d 野又好似好d 喎, 大家唔駛理我架, 有時我係會痴痴地. 哈哈哈!
沒有留言:
張貼留言