多事

事情大約係有幾個最新o既檔案會o係外國傳過來, 收到之後我地要燒碟同埋將呢幾個檔案放o係香港 server, 等高層可以自己下傳. 單野呢, 就好簡單, 但係唔知點解做落就好煩, 竟然搞到差不多成個部門都有份做. 外國同事一傳完檔案就打電話比我, 唔明點解打比我, 我都唔係處理果個人. 但係冇計, 打到離我唯有代佢傳話, 等負責o既同事可以處理. 最奇就係, 碟燒晒, 檔案又放好喇, 亦都通知左阿頭去通知高層; 另一個部門o既高層竟然打比我地部門某個同事, 問d 野搞成點. 唉! 果個同事都冇份搞呢單野, 佢點答倒呢, 搞到佢要打比我, 我又係唔知架嘛, 因為我果部份已經完成左, 咪叫佢打比阿頭問下囉. 阿頭就話乜都搞晒喇喎. 都唔知隔離部門果位高層搞乜, 但係我地又要覆返佢, 人地位高權重, 有乜辦法喎.

真係唔明點解d 人會咁多事, 明明都唔關佢事, 又唔係佢要用, 又唔係佢負責, 做乜要問長問短多多意見呢? 怪只怪佢太得閒, 冇野做咪專係搵d 野煩下我地囉. 其實真係好唔明, 佢咁高級, 應該好多野做, 好多野要處理好. 偏偏佢大事唔理, 剩係管埋d 芝麻綠豆o既小事, 仲要呢d 小事都唔關佢事o既, 最可惡係多多事實, 又唔係真係幫手喎. 如果真係幫手就冇所謂呀, 結果只係搞到件事更加複雜, 真係好鬼煩.