有單野就唔係我部門o既職權範圍, 但係好多同事都唔識分, 照樣打上來求助. 咁我地都冇乜所謂, 都係聽個電話o者, 通常做法係即時將個問題轉介去有關部門o既同事手上. 不過今次咁o岩問題發生o既時候, 有關部門負責o既同事就放緊假, 於是我就應承打上來o既同事等有關人士返工後就幫佢轉達訴求. 其實我都怕唔記得, 所以整左個響鬧提醒自己. 咁負責o既同事放完假返來, 我咪同佢交代清楚, 然後叫佢自己聯絡提出要求o既部門啦.
我一心以為o係呢件事上我o既責任已經完成晒, 點知過左兩日, 有要求果位同事又打上來, 問我件事而家搞成點. 我心諗, 唔係講左兩日都未整掛. 於是安撫住個同事先, 然後走去睇下發生乜野事啦. 一問之下, 真係比佢激死, 負責果位同事竟然話整好晒啦, 乜呀邊個唔知咩? 冇試過架? 天呀! 佢整完又唔同人講, 人地點會知喎, 神仙咩? 真係冇佢辦法. 我唯有打返比提出要求o既同事, 再比個電話佢, 等佢兩個直接傾掂數啦.
而家d 後生仔做野真係好無交帶, 唔同個 user 講, 都同我講聲嘛. 我都唔介意幫你同人地講聲. 自己做完就算, 咁點得架? 唉! 都唔知呢d 乜野做事手法, o係邊度學o既呢?
沒有留言:
張貼留言