其實都作病左好耐, 差唔多有成個幾星期喇. 咩野叫作病呢? 即係個頭時不時隱隱作痛, 週身冇乜力氣, 成日會覺得"占寒占凍", 冇乜精神唔多自在咁囉. 期間食左幾次成藥拑住個病, 但係昨天終於都係頂唔住開始咳喇. 我知道一咳出黎就唔係野小, 剩係食成藥同休息多d 未必搞得掂, 結果昨晚放工之後死死地氣咁去左睇醫生, 醫生睇完, 都係果d 啦, 傷風感冒喉嚨發炎果d 囉. 呢d , 無得醫架喎. 都係果句飲多d 水, 休息多d 啦. 不過都好, 有幾粒消炎藥, 最近身體都有幾處地方發炎, 痛得要命, 食d 藥應該會好些少吧.
講到發炎, 自從幾年前有肩周炎之後就斷唔倒尾. 每逢翻風落雨就會痛, 用力過度又會痛, 身體虛弱又會痛, 基本上都冇乜計. 不過呢一年運動多左都好d 架喇, 不過我都明, 傷過就係傷過, 點都係差d. 如果真係痛得太厲害, 都唯有拍幾粒消炎藥頂下咁囉.
唉! 身體健康真係好重要, 運動唔可以太少, 又唔可以太博命, 總之玩得小心, 咁就幾時都咁開心啦!
2 則留言:
識得講...都要識得做...休息o下啦
寒咳(晚上咳)..用薑煲水飲
熱咳(早上咳)..飲蜜糖水
還有不要飲太熱/冰的水會加多咳的次數..温和就最好 * 0 *
謝謝你! 我會多d 休息架喇! 但係, 寒咳/熱咳果d 有d 複雜喎, 你好叻呀! 多謝你!
張貼留言