新郎 : John (假名)
新娘 : Mary (假名)
大家知唔知 Mary 同 John 係點識架呢? 其實佢地兩個能夠認識, 完全係因為工作上o既關係. Mary 係做會計o既, 當時佢去到 John o既公司負責核數. 但是卻遇到一d 關於影印機o既技術難題, 幸好得到 John 仗義相助, 問題先至得以解決. 不過呢個時候, 佢地只不過係普通朋友.
三個月之後 Mary 再次返到 John o既公司, 今次兩個人都不約而同咁經過悉心打扮. Mary 就恤左個靚髮, 仲噴埋香水, 極之迷人. 而 John 呢, 就沖乾淨涼, 著返一件見得下人o既衫. 大家都希望可以比倒對方一個好印象.
雖然大家都有d 好感, 但係 Mary 始終係會計公司派來核數o既, John 要約佢出街確實有d 難度, 不過 John 好醒目咁夾左一張字條o係一份機密文件度交比 Mary, 佢就係咁樣瞞過晒所有人約倒 Mary 出去睇戲喇.
講翻起呢件事, John 話佢到而家都仲覺得, 如果戲票錢可以同公司報銷就真係一流喇. 所以呢, 聽講佢地拍拖之後, John o既經理 David(佢今日都o係呢度) 就開始好指細咁檢查 John o既每一項支出, 不過就梗係冇出事啦.
之後, Mary 同 John 開始左長達 9 個月o既遙距戀愛, 一直等到 Mary 後來搬去英國東北部, 兩個人先開始一齊生活. 其實, o係好早o既時候, John 已經知道 Mary 就係佢要搵o既人, 所以佢決定要將一d 好重要o既野講比 Mary 知. 原來早o係 1997 年 John o既祖母臨終前交左一份聖誕禮物比佢, 而呢一份禮物係一樽鬚後水. 由果一刻開始, 佢就已經決定會留到結婚o既日子先至會用. 11年時間過去, 即使親如家人都唔知道佢有呢一個願望, 而 Mary 就係第一個知道呢件事o既人.
Mary 同 John 係因工作而認識, 但係佢地兩個都深深咁相信, 呢一切一切都係命運o既安排.
說完這個故事, 我們才招呼一對新人進場. 他們的故事由新郎提供, 我也只是把它翻譯過來再用口語讀出. 其實我很喜歡這樣的介紹, 最起碼可讓在場賓客了解他們多一點, 不似我以往參加過的一些婚宴, 台上有台上玩, 台下有台下吃喝玩樂, 大家都不知道在幹甚麼.
沒有留言:
張貼留言