今次真係大話夾好彩, 如果唔知道行行下爆左都真係幾得人驚. 其實我架車又係時候要換下偈油, 兼做下例行檢查, 但我又好懶唔願去喎, 因為間車房實在係唔多就腳, 結果拖左幾個星期都未肯去. 點知昨天返到公司樓下, 放頭盔入尾箱果時唔知點解會撞爆左個鎖, 望來望去發覺都係整唔返, 唯有放工之後渣去車房, 諗住搞返掂個尾箱順便換埋偈油咁啦. 點知師傅仔望一望架車就同我講: 個尾轆要換喎, 見晒鋼絲喇. 我開頭都唔知乜野事, 咪走埋去望下囉. 嘩! 睇完先識驚呀! 有幾節真係冇晒外皮, 可以好清楚咁見倒白色o既綱絲, 竟然咁都冇爆到, 都真係執返身彩喇. 即刻同師傅仔講換乜都冇問題, 頭尾轆一次過換晒佢啦. 諗落, 用左佢地都差唔多有四年, 到見晒綱絲先至換, 絕對係抵晒呀!
講真, 又係自己唔好o既, 實在好少檢查尾轆. 因為綿羊仔o既轆比較細小, 而尾轆附近有引擎, 又有死氣喉, 仲有泥擋, 能夠睇倒個轆o既位置唔係太多, 好多時都唔為意佢有冇d 乜野事. 而家換左新轆, 總算安心返d. 以後都係要小心d 先得喇!
車轆! 辛苦晒!
沒有留言:
張貼留言