既然係愚人節, 就講返件蠢事啦. 有次食完午飯, 幾個同事一齊撘大廈接駁巴士返公司.
坐車無事可做, 大家唯有傾下偈.
同事A : 有冇睇保衛奇俠呀?
同事B : 好睇咩? 係咪又係果d 英雄片黎架?
同事A : 唔同架, 套戲個個英雄都好多問題.
同事C : 咦? 正喎, 我最鐘意反英雄主義o既戲.
同事A : o係? 咁呢套好o岩你睇喎. 你有冇睇過超級英雄做愛丫?
同事C : 冇喎, 呢d 都有?
同事A : 有呀, 超爆笑呀! 有乜乜... 同乜乜...
大家講得興高采烈, 旁若無人. 我見架車就到公司, 大家都冇乜反應, 於是,
我 : 司機, 唔該xx中心有落
... ...(突然成架車靜晒)
十餘秒後, 全車爆笑...
起初我都仲未知乜野事, 望望前望望後我先醒起, 係喎, 我唔係撘緊小巴, 呢架係接駁車, 直接返到大廈停車場. 呢次真係瘀爆呀! 不過, 我自己諗下諗下都忍唔住笑左出黎, 勁傻囉.
沒有留言:
張貼留言