食飯聽閒話

放工後, 一如以往地走到相熟的餐廳吃飯. 咦? 怎麼這天好像比較多人? 對了, 差點忘了明天是假期呢. 由於人太多, 我的桌子很靠近另一檯客人. 鄰桌是兩位女士, 其中一個整晚都在高談闊論, 而另一個只在靜靜聆聽, 偶爾才回應幾句.

------
高談: 你知嘛, 呢份工我一返工就比人唱呀, 幾離譜呀.
高談: 果個中學同學李xx呢, 你記唔記得呀? 原來佢識我其中一個新同事, 睇相見倒我, 就即刻同人講我唔係好人.
高談: 然後果個同事返到公司就同所有人講我係衰人, 搞到個個都怕左我, 冇女同事肯同我一組, 最後安排左個男同事比我.
靜聽: 噢! 咁呢個情況維持左幾耐呀?
高談: 果個男同事呀, 起初都唔係好理我. 但係相處左一排, 發覺我唔係咁, 跟住仲對我有意思添.
(下? 人地都冇問你呢樣野)

高談: 仲有呀, 再之前份工, 未返工就比人針對喇.
(咁神奇?)
高談: 即係呢, 見工果陣老細好鐘意我, 一定要請我. 老闆對下屬果種呢, 唔係男女果種呀.
(我忍唔住望望佢個樣. 嘿! sorry! 都應該係o既...)
高談: 咁呢, 我上司個女秘書知道左, 就周圍同人講. 搞到個個同事都唔敢同我講野呀.
高談: 之後, 好彩有個同事識耐左, 發覺我唔係d 咁o既人, 同我 friend 左, 講返比我聽我先知呀.
(唔係咁o既人即係乜野人呀?)

靜聽: 而家好似唔係星期六都有旗賣喎.
高談: 係呀, 你唔知咩? 而家好多人冇野做, 咪走去賣旗囉, 日日都有得賣架.
高談: 經濟唔好, 好多人失業嘛, 乜人都有架. 搵唔倒野做, 去賣旗都好過坐o係屋企啦, 好多機構都請呢d 人賣旗架.
(噢! 原來賣旗咁好做o既. 我都唔知日日都可以賣添.)
------

講真, 有時食飯聽倒隔離檯講野都幾得意架.