最近睇香港個 yahoo! blog 時發現有d flash 睇唔倒, 佢寫住佢地已經提升至支援更新 Flash 版本, 請立即下載新版本咁話. 按入"查詢詳情"睇睇, 原來佢硬性規定用戶一定要用 flash 10 先得, 如果唔係就睇唔倒所有 flash o既內容. 我而家先知, "提升至支援更新版本"係等如唔支援舊版本咁解囉.
首先, 我一向都對 flash 冇乜好感, 都唔知d 乜野設計黎o既, 又重又慢, 一轉版本就睇唔倒, 硬係要你更新個 player / plugin. 今次 yahoo! blog 無啦啦逼人升級就更加討厭, 我最怕就係d 野本來行得好地地, 唔知為乜咁又走去升級, 仲要係夾硬要你升, 唔升呢, 就完全睇唔倒. 即係咁, 你想升級冇問題, 但係咪應該留返個選擇比人唔去升呢? 技術上應該唔會話好難架喎. 最慘係, 佢完全無考慮過有d 人係唔可以亂咁升級軟件o既, 仲有好似我呢d 小眾, flash 10 係唔支援我用緊果個 glibc, 但係要升級埋個 glibc 就真係好困難. 咁樣, 其實同逼我唔睇無乜分別囉.
有時真係好唔明d 大公司諗咁乜, 都唔係方便大家o既, 真係好鬼煩.
2 則留言:
在一個, 又冇新意又唔揾嘢做唔得的情况下, 唯有將簡單複雜化
即係咁, 我又唔係話反對佢地升級, 但係點解唔留條後路比其他人呢? 唔係個個人可以話升就升架嘛. 呢d 咁o既風度, 大公司應該要有囉.
掉返轉講, 我如果想將公司o既系統升級, 都要先徵求有關部門o既同事同意先得啦. 仲要比佢地試過晒冇問題先可以做. 雖然佢地冇收錢, 但係邊有話轉就轉咁惡架, 流失用戶都真係唔怪得邊個囉.
張貼留言