何必解釋

晚上十二時左右, 巴士上.
一對男女乘客. 女的在看雜誌, 男的看著窗外發呆. 忽然, 男的電話響起, 接聽後談了幾句, 然後收了線.
沉默的一分鐘後, 女的斜眼瞄了瞄男的, 沒有動靜, 再望回手上的雜誌.

突然傳來話聲 --

女 : 邊個離架?
男 : 啊! 舊同事, 初初出來工作時認識的.
女 : 搵你有咩事?
男 : 冇呀! 傾幾句咋.
女 : 女仔黎架?
男 : 係呀!

沉默的三十秒...

男 : 冇野架, 識左好耐架喇, 都好少聯絡.
女 : 我覺得你o係度講大話.
男 : 唔係呀! 真係冇野架, 我識佢果陣都未識你.
女 : 有冇咁耐呀?
男 : 有呀, 出黎做野果陣d 同事, 好多年架喇. 都好少搵.

女的繼續看雜誌, 正眼也不看男的.

男 : 呀! 你都見架啦, 係佢打黎架嘛, 唔通唔接咩.
女 : 咁夜先打黎? 成日都咁夜搵你架?
男 : 唉! ... 我點知喎, 可能剛剛做完野掛? 我真係唔知喎.
男 : 人地結左婚架喇, 唔好亂諗野啦.
女 : 係咪離左婚呀?
男 : 呀...呀...呀... 識佢無耐之後佢就結婚喇, 我唔知佢有無離婚喎, 剩係知佢結左婚.

... ...

類似對話持續約半小時, 幸好終於到站, 高速下車.

那知下車不久, 後面繼續傳來對話聲 --

男 : 唉呀! 點講你先明呀, 又唔係我搵佢...
女 : 你地d 男人最鐘意講大話...

實在聽不下去, 唯有加快腳步, 逃回家裡.