誰是搞手?

大約兩星期前, 大家正悠閒地划著獨木舟, 有一句沒一句地說著閒話.
A : 好耐冇行澗喇, 幾時可以再玩?
B : 係啦, 而家連行山都冇乜搞.
我 : 咁咪行次澗囉, 想行邊度丫? 黃龍? 雙鹿? 或者其他?
C : 嘩! 黃龍好辛苦架喎, 行好鬼耐都行唔完.
D : 係啦, 果次行到天都黑埋呀.
我 : 咁一係行雙鹿啦, 輕輕鬆鬆. 你地想幾時行?
B : 下個唔得... 再下個又... 不如12 月 x 號啦.
A : 好呀! 我果日得閒.
我 : 我要返去check 下先得喎, 唔知得唔得閒.
...
(划艇活動完結, 各自散去)

這兩星期, 沒人籌備, 沒人邀約, 甚至沒人提起這件事. 我想這不是辦法, 地點日期人物全都沒落實, 便在討論區提問.

我 : 係唔係搞行澗架? 幾號? 行邊?
B : 係呀, 12 月 x 號, 行雙鹿, 早兩日爬艇阿A 仲問係咪落實.
我 : 我 x 號有比賽, 唔得閒喎.
B : 咁點呀? 我地照去? 阿E 帶隊? 我老公果日要考試唔黎得喎. 定係改期?
B : 決定後要通知 A 喎, 佢預左係果日呀.
(我心想: 都冇人落實過任何野, 點會咁架?)
E : 12 月 x 號? 我照計就唔得喇, 東亞運呀, 改期啦! 哈哈哈!
...
(還未有結論)

想來想去, 我還是不明白. 出一份正式的邀請有這麼難嗎? 至少, 大家都可以清楚點嘛. 可能, 誰都不願當搞手吧.