已經有好一段日子沒去東龍了, 剛過的週末便相約朋友前往攀石. 由於懶床的關係, 出門時非常匆忙, 也沒先看天氣報告, 到碼頭後才知道掛著一號風球. 望向天邊, 但見風和日麗藍天白雲, 既然船還沒有停航, 我們也不理這麼多了, 先進去再說吧.
有幾個朋友, 因為要早走所以先行進去, 我們到達石牆時, 他們已經爬得不亦樂乎. 早點進來當然可以早點玩, 可是, 如果可以選擇的話, 我還是喜歡遲些少. 一來可以多睡一會, 再者東龍島的技術牆要到下午才會比較舒適. 原因是這裡向東, 要到下午才有陰影啊!
到戶外走走實在不錯, 人也精神得多, 雖然天氣是有點熱, 幸好海邊還有點風, 感覺沒那麼翳焗. 不過石牆的狀況不算很好, 岸邊打起的浪花飄到石上, 有些地方濕濕的, 有些地方則蓋著一層淡淡的鹽粒, 很是滑溜. 但是一場來到, 當然是照玩可也. 大家開了幾條石線輪流試玩, 嘻嘻哈哈實在有趣. 過程中, 妹妹在一條頗有難度的石線取得突破, 還得到全場鼓掌, 令她非常興奮. 至於我, 今天試了一條從沒爬過的石線, 竟沒想像中困難, 感覺不錯.
一直玩到黃昏日落, 大家才依依不捨地離開. 回家前大伙兒還一起吃下午茶, 這樣的假日令我感到非常滿足.
6 則留言:
我中左呀!!!!!!!!!!!!
嘩! 恭喜你! 希望你玩得開心d 啦!
如果覺得好玩, 又有興趣到戶外試下的話, 到時再 call 我啦.
哇，你爬果ｄ，係咪咁嫁：http://www.youtube.com/watch?v=7s5KFbyBmrQ
又，上堂著波鞋就得嫁啦嘛，要著乜野褲呢？
唏! 咪傻啦, 做戲點同喎(不過現實d 人仲誇, hehe)....
講真架呢, 我地爬呢d 囉(睇落可能有d 悶):
http://www.youtube.com/watch?v=CcZv0_TiZ28&feature=related
http://www.youtube.com/watch?v=uwY9JpyY9N8&feature=related
http://www.youtube.com/watch?v=6NoB8tRbFMM
係呀! 波鞋都ok, 不過唔好著隻咁鬆o既, 一來用唔倒力, 二來有機會甩.
理論堂時教練應該會講著乜野好, 有d 教練有攀石鞋提供, 不過衛生程度呢... 著唔著就自己諗喇.
天氣咁熱, 衫就短袖或背心都得, 褲就長短都無所謂, 長就保護多d 啦, 短就靈活d. 不過留意唔好著d 好緊又冇彈性o既褲, 會好難爬.
特別一提, 如果你實習去石硤尾或者順利村, 就要小心有蚊喇.
甩鞋？？？？？？？？？我從來未試過亦無諗過會有依個問題喎！！！
依條片話比我知.........
我咁矮，最尾果段.....點跳到上去呀？？？？？？？？？
(上心係好，不過真係要識得來適當時候叫自己：停一停，諗一諗....囉）
哈! 唔講你唔知, 香港女子攀石界o既其中一個高手, 係一d 都唔高架(即係好矮, 希望佢睇唔倒啦!!), 所以我地冇人敢話因為矮而爬唔倒架.
(謝謝你!)
張貼留言