曬太陽

上週末好想去沙灘曬太陽, 雖然約唔倒人, 星期六都係決定走去清水灣. 臨出門口細妹又話得閒, 結果就同媽媽以及兩個細妹一齊去, 十足家庭樂呀! 至於點解咁想曬, 其實都冇乜特別, 不過係早兩星期曬過, 唔係好想咁快甩色, 咪諗住去補補色囉, 諗落都幾無聊架.

當我地去到清水灣, 竟然見倒有一大舊黑雲, 不過就有風, 應該好快會吹走吧. 都唔理得咁多, 跑落沙灘睇睇, 發覺個灘唔多大, 好彩唔算多人, 一陣間就搵倒位放低野. 我急不及待除衫訓低曬太陽, 細妹佢地就落水玩. 曬左一陣已經覺得好熱, 咪落水過一過冷河囉, 點知游得果幾步就發現自己畀數之不盡o既垃圾圍住, 唯有不斷用手去撥開佢地啦, 但係d 浪又係咁沖佢地埋黎, 都不知幾驚, 如果一唔小心吸氣果陣食左淡, 就真係唔知點算喇. 都唔明點解d 人要亂拋垃圾, 好討厭囉!

幾經辛苦爬返上岸再曬多陣, 覺得熱都唔敢再落水喇, 大約中午就走去西貢食飯, 都算係幾悠閒咁啦.